Bu barədə TQDK-nın mətbuat xidmətinin rəhbəri məlumat verib

Tələbə Qəbulu üzrə Dövlət Komissiyası (TQDK) iyulun 8-dən 9 illik təhsil bazasından orta ixtisas məktəblərinə sənəd qəbuluna başlayacaq. Komissiyasının mətbuat xidmətinin rəhbəri Elnur Nağızadə APA-ya bildirib ki, sənəd qəbulu avqustun 10-dək internetlə aparılacaq. Abituriyentlər tələb olunan sənədləri müvafiq sənəd qəbulu komissiyalarına təqdim edib təsdiq etdirəcəklər. Sənəd qəbulunun aparılması məqsədi ilə TQDK tərəfindən 85 Sənəd Qəbulu Komissiyası yaradılıb. Onların 22-si Bakıda, qalanları respublikanın digər bölgələrində fəaliyyət göstərəcək. Qəbul imtahanının avqustun 29-da keçirilməsi nəzərdə tutulur.

9 illik təhsil bazasından orta ixtisas məktəblərinə sənəd qəbulu ilə bağlı ətraflı məlumatlar “Abituriyent” jurnalının IV sayında nəşr ediləcək. Jurnal yaxın iki gün ərzində işıq üzü görəcək.