Abituriyentlər suallara cavablarını yoxlamaqla topladıqları balları hesablaya bilər

Tələbə Qəbulu üzrə Dövlət Komissiyası III ixtisas qrupu üzrə dünən keçirilən imtahanlarda istifadə olunan sualların düzgün cavablarını açıqlayıb.

Komissiyadan Lent.az-a verilən məlumata görə, test tapşırıqlarının düzgün cavabları artıq http://tqdk.gov.az saytında yerləşdirilib. Sayda rus və Azərbaycan bölmələri üzrə test tapşırıqlarının düzgün cavabları ayrı-ayrılıqda əksini tapıb.

TQDK-da bildirirlər ki, abituriyentlər sayta daxil olmaqla imtahanda cavablandırdıqları test tapşırıqlarının düzgün olub-olmadığını müəyyənləşdirməklə yanaşı topladıqları balları da hesablaya bilər.