ADPU-nun mətbuat və informasiya şöbəsinin müdiri Mansur İbrahimov Lent.az-a açıqlamasında təhlükəsizlik tədbirlərinin gücləndirildiyini təsdiqləyib. O, bildirib ki, ADNA-da baş verən hadisə barədə məlumat aldıqdan dərhal sonra ADPU-nun rektoru Yusif Məmmədov prorektorlar, dekanlar və rəhbərliyə daxil olan digər şəxslərin iştirakilə iclas keçirib.

“Onların hər birinə mühafizə işinin gücləndirilməsilə bağlı tapşırıq verildi. Ümumiyyətlə, ADPU-da mühafizə məsələsilə bağlı əvvəldən də böyük diqqət olub. Ancaq Neft Akademiyasındakı hadisədən sonra bu iş daha da gücləndirilib. Mühafizəni ADPU-nun təsərrüfat hesablı işçiləri keçirir. Mühafizə üçün kənardan işçilər gətirilməyib. Öz mühafizəçilərimiz isə ADPU-nun binasına daxil olan tələbələrdən tələbə biletini, kənar şəxslərdən isə şəxsiyyət vəsiqəsini tələb edir. Bir sözlə, ADPU-da ciddi nəzarət var” – deyə, Y.Məmmədov əlavə edib.

Lakin o, təhlükəsizlik tədbirlərinin gücləndirilməsi barədə tapşırığın Təhsil Nazirliyindən gəlməsi, yoxsa ADPU rəhbərliyi səviyyəsində verilməsi barədə məlumata malik olmadığını bildirib: “Mən ancaq universitetdaxili məsələlərlə bağlı məqamları bilirəm”.