“Azercell Telekom” MMC SimSim abonentləri üçün yeni kampaniyaya start verdi. Bu barədə məlumatı AZADİNFORM-a “Azercell Telekom”-dan veriblər. Aprelin 1-dən başlayan yeni kampaniya çərçivəsində şirkət SimSim abonentləri üçün 1 manatlıq yeni yükləmə kartı istifadəyə verir. Kampaniya müddətində SimSim abonentləri 1 manatlıq kartı yükləyərkən onların balansına 160 ümumi-təyinatlı konturlar və hədiyyə olaraq “Azercell” şəbəkəsi daxilində gecə saatlarında zənglər üçün istifadə edilə bilən 160 kontur əlavə olunacaq. Hədiyyə olaraq balansa yüklənən konturlar SMS MMS, GPRS və rouminq xidməti kimi istifadə oluna bilməz. Bizdən-Bizə və GəncSim abonentləri 7 gün müddətində, Açıq xətt tarif paketinə üzv olan abonentlər isə 14 gün ərzində yüklədikləri danışıq kartından istifadə edə bilərlər. Kampaniya cari ilin iyun ayının 30-nə qədər keçirilir. Qeyd edək ki, kampaniya müddətinin bitməsindən sonra yüklənən 1 AZN nominallı kart üzrə yalnız ümumi təyinatlı konturlar abonentlərə təqdim olunacaq.

01.04.2009 il tarixindən etibarən bütün SimSim abonentlərinə kampaniya çərçivəsində yeni 1 AZN nominallı kontur kartı istifadəyə verilir.

Kampaniya 01.04.2009 - 30.06.2009 tarixləri arasında keçirilir.

Kampaniya müddətində Siz 1 manatlıq danışıq kartla 160 konturluq istənilən vaxt və 160 konturluq şəbəkədaxili zənglərlə qeyri-pik saatlarda ünsiyyət qura biləcəksiniz!
1 manatlıq danışıq kartının istifadə müddəti

* Açıq Xətt abonentləri üçün 14 gün.
* GəncSim və Bizdən Bizə abonentləri üçün 7 gün.

Qeyd:

* Gecə konturları yalnız şəbəkədaxili zənglərə sərf edilə bilər.
* Kampaniya müddəti bitdikdən sonra nömrənin balansında qalan bütün gecə konturları sıfırlanacaq.
* Kartın istifadə müddəti bitdikdən sonra balansda gecə konturları qalarsa, onlardan istifadə yalnız balansa yenidən 1 manatlıq danışıq kartı yüklədikdən sonra mümkün olacaq.
* Pik saatları - 08:00 - 00:00, qeyri-pik saatları - 00:00 - 08:00.