“Elektron məktəb” pilot layihəsində iştirak edən məktəblərin sayı 20-yə çatdırıldı. Qaynar.info-nun verdiyi xəbərə görə, “2008-20012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı” çərçivəsində həyata keçirilən bu layihədə ilkin olaraq 10 məktəb iştirak edirdi. Təhsil Nazirliyinin qərarı ilə layihəyə daha 10 məktəb qoşulmuşdur. Bunlar Bakı şəhərinin Heydər Əliyev adına liseyi, “Ankara Məktəbi” məktəb-liseyi, Elitar Gimnaziya, Zəngi liseyi, Fizika-riyaziyyat və informatika təmayüllü liseyi, “Tərəqqi” texniki-humanitar liseyi, 220 saylı məktəb-liseyi, 245 saylı orta məktəbidir. Bu layihəyə Sumqayıt şəhərinin Təbiət Elmləri Təmayüllü gimnaziyası və 31 saylı orta məktəbi də qoşulub.

Məlumat üçün bildiririk ki, “Elektron məktəb” pilot layihəsində həmçinin Avropa liseyi, 20, 6, 60, 160, 134, 8, 23, 7 saylı məktəbləri və akademik Zərifə Əliyeva adına məktəbi əhatə edir.

Layihə çərçivəsində qeyd olunan məktəblərdə informasiya kommunikasiya texnologiyaları sistemli şəkildə bütün fənlərə tətbiq olunacaq. Bu məktəblər fiberoptik kabel vasitəsi ilə yüksək sürətli internetə, Məlumat və Resurs Mərkəzinə çıxışla təmin ediləcək və Təhsil portalının bütün imkanlarından istifadə edəcəklər.