Hollivudda kino dünyasının ən böyük hadisəsi olan Oskar mükafatlarının təqdimatı mərasimi keçirilib. Qaynar.info-nun verdiyi xəbərə görə, 81-ci Oskar mükafatları mərasimində ilin ən yaxşı kino-filmləri və onların yaradıcılarına mükafatlar veriləcək.
Prestijli mükafata nominasiya edilən filmlər arasında əsas favorit “Bencamin Battonun müəmmalı əhvalatı” filmi hesab olunurdu. Film 13 kateqoriyada, o cümlədən ən yaxşı kino-film, ən yaxşı aktyor və ən yaxşı quruluşçu-rejissor kimi çox mühüm kateqoriyalarda yüksək mükafata namizəd idi.
Amma ən yaxşı film nominasiyası mükafatı rejissor Denni Boylun «Xarabalıqdan olan milyonçu» filmi qazanıb. Film namizəd göstərildiyi 9 nominasiyadan 8-də «Oskar» qazanıb. Film ən yaxşı rejissor işi, ən yaxşı səs, ən yaxşı qurğu, ən yaxşı film musiqisi, ən yaxşı orijinal mahnı nominasiyalarında qalib gəlib.
Ən yaxşı kişi roluna görə, mükafatı «Süd» filmindəki roluna görə aktyor Şon Penn, «Oxucu» filmində ən yaxşı qadın roluna görə, aktrisa Keyt Uinslet alıb. Bu, Ş.Penin ikinci «Oskar»ıdır. K.Uinslet isə bu vaxtadək altı dəfə namizəd göstərilsə də, mükafat ala bilməmişdi.
İkinci planda ən yaxşı kişi roluna görə, 2008-ci ildə vəfat edən Hit Lecer, qadın roluna görə isə Penolopa Kruz qiymətli heykələ layiq görülüb. Qeyd edək ki, Lecerin mükafatı onun ailəsinə təqdim edilib.

Qeyd edək ki, ən yaxşı kişi roluna görə Oskar alan Şon Penn həm də siyasi qalmaqallarıyla məşhurdur. 11 sentyabr hadisələri zamanı ABŞ adminstrasiyası əleyhinə çəkdiyi sənədli filmlə ad qazanmış bu aktyor, bu dəfə də Oskar mükafatlandırılması mərasimində etdiyi çıxışı ilə aranı qarışdırıb.
O, Barak Obamanı dolayısıyla homoseksual adlandırıb və homoseksualların evlənməsinə qoyulan qadağanı pisləyib.