Bu gün axşam saatlarında Salyan rayonu Kürsəngi kəndi ərazisindəki 272 saylı neft quyusunda güclü yanğın baş verib.
APA-nın hadisə yerində olan yerli müxbirinin verdiyi məlumata görə, neft quyusundan çıxan səmt qazı yanğına səbəb olub. İlkin ehtimala görə, hazırda səmt qazının quyudakı təzyiqi 200-300 atmosferdir. Yanğın zonasında alovun təqribi hündürlüyü 30 metrə qədərdir. Yanğın böyük uğultu ilə müşayiət olunur.
Yanğın 3 saatdır ki, davam edir. Yanğın baş verən zaman quyunun yaxınlığında olan bütün texniki avadanlıq da yanıb.
Yanğın ərazisinin yaxınlığına heç kim buraxılmır. Xəsarət alanın olub-olmaması barədə məlumat verilmir.
Əraziyə FHN-nin regional bölməsinin əməkdaşları və yanğınsöndürmə maşınları cəlb olunub
Qeydiyyat
.
.Hamisi tehlukesizlik qaydalarina emel edilmediyinnen olur 100% 
