Ali təhsildə rəqabət elə yüksək həddə çatıb ki, qlobal təhsil xəritəsinin dəyişdirilməsi üçün universitetlər ən yaxşı təşkilatçılar, təhsil xadimləri və tədqiqatçılarla işləmək üçün sanki yarışırlar. Xarici tələbələrin marağını və diqqətini daha çox çəkmək yolunda gedən bu yarışda yeni təhsil mərkəzləri də meydana gəlir. Məsələn: Keçən il Çin, Sinqapur və Dubay təhsil proyektlərinə 60 milyar dollar ayırıb.

İllərdir liderliyini qoruyub saxlamış, ABŞ, İngiltərə, Almaniya, Fransa kimi iri dövlətlərin isə işləri bir qədər qarışıq görünür. Rəqabətdə olan digər dövlətlərin on-line proqramlara bu qədər əhəmiyyət vermələri onları narahat edir.

Bu ildən etibarən dünyanın ən yaxşı universitetlərindən sayılan Stanford Universiteti 50 on-line proqramı ali məktəb tələbələrinin istifadəsinə verir. Proqramların çoxununun mühəndislik və əsas fənlərə aid olması diqqət çəkir. Qeyd edək ki, dünyada neft qiymətlərinin artması proqramlara da təsir göstərir.  

“Newsweek” jurnalının son xəbərlərinə görə yuxarıda göstərilən universitet son dövrlərdə xarici tələbələrin diqqətini çəkmək üçün müxtəlif  yeniliklər edir.

Bu dəyişikliklər və dinamik artım dünyada qlobal təhsil xəritəsinin təkrar təhrif edilməsinə gətirib çıxaracaq.

Araşdırmalara görə, 2008-ci ildə ABŞ da 4 milyon tələbənin internetdən ən az bir dərs aldığı müəyyən olunub.

Mühəndislik dünyada ən  sevilən və ən prestijli sənət sayılır. Çində mədəniyyət və incəsənət sahəsinə maraq daha çoxdur.

Asiya və Orta Şərqdə təhsilə ciddi yatırımların ayrılması da böyük əhəmiyyətə malikdir. Çünki bu, ölkələrdə orta təbəqənin inkişafına şərait yarada bilər. Ona görə də, bu cür yatırımlarda fayda var. Ekspertlərin fikrincə, hərbi xərclərin onda biri təhsilə ayrılsa, dünyada terrorun zərrəsi belə qalmaz.

Təhsilin sadəcə diplom xatirinə deyil, hərkəsə faydalı olabiləcək bir iş görmək üçün əldə edildiyini fikirləşsək, ehtiyaclarımızın və problemlərimizin qarşısı avtomotik olaraq alınacaq.