2011-2012-ci tədris ili üçün Türkiyə universitetlərinə azərbaycanlı gənclərin dövlət xətti ilə qəbulu üçün aprelin 24-də keçirilmiş imtahanın nəticələri yaxın 3-4 həftə ərzində açıqlanacaq.

Türkiyənin Azərbaycandakı səfirliyinin Təhsil Müşavirliyindən APA-ya verilən məlumata görə, imtahanda 1450 azərbaycanlı gənc iştirak edib. Nəticələr Türkiyədə optik oxucularla oxunacaq və kompüter vasitəsilə dəyərləndiriləcək. Nəticələr heç bir halda dəyişdirilməyəcək.

Qeyd edək ki, bu il Türkiyə universitetlərinə azərbaycanlı gənclər üçün Anadolu, Ankara, Ege, Qazi, İstanbul, Hacettepe və s. nüfuzlu ali məktəblərdə 40 plan yeri ayrılıb.