Tələbə Qəbulu üzrə Dövlət Komissiyası (TQDK) abituriyentlərin qəbul imtahanlarına hazırlaşmalarına kömək məqsədilə aprelin 10-da keçirdiyi sınaq imtahanlarının nəticələrini açıqlayıb.

TQDK-nın mətbuat xidmətinin rəhbəri Elnur Nağızadə APA-ya bildirib ki, imtahanlar respublikanın 8 şəhərində - Bakı, Gəncə, Şəki, Masallı, Balakən, İsmayıllı, Yevlax və Salyanda keçirilib. Sınaq imtahanlarının nəticələri komissiyanın İnternet saytında yerləşdirilib.Abituriyentlər imtahan nəticələri barədə məlumatı, həmçinin mobil telefonla “İmtahancell” xidməti vasitəsilə də öyrənə bilərlər.

E. Nağızadə deyib ki, növbəti sınaq imtahanları aprelin 17 və 24-də keçiriləcək.