Sentyabrın 30-da ali təhsil müəssisələrinə qəbul imtahanlarında ən yüksək nəticə göstərib Prezident təqaüdünə layiq görülmüş gənclərlə Tələbə Qəbulu üzrə Dövlət Komissiyasının (TQDK) rəhbərliyi və kollektivinin görüşü keçiriləcək.

2010-cu il sentyabrın 30-da saat 12-də bu il ali təhsil müəssisələrinə qəbul imtahanlarında ən yüksək nəticə göstərib Prezident təqaüdünə layiq görülmüş gənclərlə Tələbə Qəbulu üzrə Dövlət Komissiyası rəhbərliyi və kollektivinin görüşü keçiriləcəkdir.

Gündəlikdə:

– Çıxışlar
– Təbriklər,
– Mükafatların təqdimatı.

Ünvan: akademik Həsən Əliyev küç.17

Qeyd edək ki, sentyabrın 8-də Prezident İlham Əliyev 2010/2011-ci tədris ilində Azərbaycan Respublikasının ali məktəblərinə daxil olmuş tələbələrə prezident təqaüdünün verilməsi haqqında sərəncam imzalayıb. Sərəncama əsasən, bu il 600-dən yuxarı bal toplayan 103 tələbəyə prezident təqaüdü ayrılıb.

Xatırladaq ki, hazırda Azərbaycanda tələbələr üçün Prezident təqaüdünün məbləği 150 manat təşkil edir.