Başlıq » 2010 » Oktyabr » 14 » Təhsil Nazirliyinin şöbə müdiri: “Dövlət sifarişli ixtisaslar üzrə illik təhsil haqları artırılmalıdır”
Təhsil Nazirliyinin şöbə müdiri: “Dövlət sifarişli ixtisaslar üzrə illik təhsil haqları artırılmalıdır”
18:16
“Azərbaycanın ali məktəblərində adam başına maliyyələşdirmə sistemi ilə əlaqədar dövlət sifarişli ixtisaslar üzrə illik təhsil haqlarına yenidən baxılmalı və təhsil haqları artırılmalıdır”.
Bunu APA-ya açıqlamasında Təhsil Nazirliyinin Ali və Orta İxtisas Təhsili Şöbəsinin müdiri İlham Mustafayev deyib. O əlavə edib ki, ayrılan vəsait ali məktəblərin inkişafına kifayət etməyəcək, çünki bu vəsaitin əsas hissəsi müəllimlərin əmək haqlarının və tələbələrin təqaüdlərinin ödənilməsinə sərf olunacaq: “Ona görə də vəsaitin artırılması daha məqsədəuyğundur. Əgər vəsait artırılmasa, ali məktəblər inkişaf etməyəcək”.
Şöbə müdiri hesab edir ki, dövlət sifarişli bütün ixtisaslar üzrə təhsil haqqının qaldırılmasına ehtiyat var. İ. Mustafayevin sözlərinə görə, hazırda dövlət ali təhsil müəssisələrində təhsil haqlarını Maliyyə, Təhsil, İqtisadi İnkişaf nazirlikləri birgə müəyyən edir.