Təhsil naziri Misir Mərdanov belə deyib “Məktəblərin mühafizəsi ilə bağlı çox ciddi addımlar atmağı düşünürük. Azərbaycanda 5 minə yaxın məktəb var. Onların hamısını istədiyimiz səviyyədə qorumaq mümkün deyil. Buna çox böyük vəsait lazımdır. Artıq böyük təhsil müəssisələrinin mühafizəsi ilə bağlı xüsusi müqavilələr hazırlamışıq və onları qorumağa başlamışıq”. Bunu jurnalistlərə açıqlamasında təhsil naziri Misir Mərdanov deyib.
Nazir Təhsil Nazirliyi tərəfindən orta məktəb müəllimləri arasında ixtisarların aparılması barədə heç bir rəsmi göstərişinin verilmədiyini də söyləyib. O bildirib ki, əgər məktəblərdə şagirdlərin və qrupların sayı azalırsa, istər-istəməz bəzi müəllimlər ixtisara düşməli olur. Hansı müəllimin ixtisar edilməsini isə kollektiv özü müəyyənləşdirir.
M. Mərdanov şagirdlərin repetitor yanına getməsinin əleyhinə olmadığını da deyib. Amma o, əlavə edib ki, bu, dərs saatının hesabına olmalı deyil. Nazir onu da qeyd edib ki, repetitorluğun ümumi işə xeyri varsa, bu, ola bilər. Nazir, repetitorluğu bir əmrlə yığışdırmağın mümkün olmadığını da söyləyib.