Tələbə Qəbulu üzrə Dövlət Komissiyası (TQDK) aprelin 3-də keçirdiyi sınaq imtahanının nəticələrini açıqlayıb.

TQDK aprelin 3-də ali məktəbə qəbul olmağa hazırlaşan abituriyentlər üçün hazırlıq məqsədilə respublikanın 18 şəhərində sınaq imtahanı keçirib. İmtahan prosesində 31 minə qədər abituriyent iştirak edib

Artıq nəticələr bəllidir və onlar nəticələri TQDK-nın saytından öyrənə bilərlər. Həmçinin, abituriyentlər topladıqları balı “Azercell”in "İmtahancell" xidməti vasitəsilə də öyrənə bilərlər.

Növbəti sınaq imtahanları isə aprelin 10-da və 17-də keçiriləcək və hazırda həmin sınaq imtahanlarına yazılış davam edir. TQDK bir daha abituriyentlərin nəzərinə çatdırır ki, imtahan binalarına buraxılış yalnız abituriyentin özünün şəxsiyyət vəsiqəsi və imtahana buraxılış vərəqəsi əsasında həyata keçiriləcək. Başqasının (valideyninin, digər qohumunun və s.) şəxsiyyət vəsiqəsi ilə yazılmış abituriyentlər imtahan binasına buraxılmayacaqlar.