Avqustun 10-nu niyyət gecəsidir

Qafqaz Müsəlmanları İdarəsinin Qazilar Şurası Ramazan ayının başlanması ilə əlaqədar fətva verib.
Fətvada Ramazan ayının başlanğıcının avqustun 11-ə təsadüf etdiyi qeyd edilib.

Avqustun 10-nu niyyət gecəsidir. Ayın görünməsindən asılı olaraq Ramazan bayramı sentyabrın 9-na və ya 10-na təsadüf edəcək. Qədr gecələri Ramazan ayının 18-dən 19-na, 20-dən 21-nə, 22-dən 23-nə, 24-dən 25-nə və 26-dan 27-nə keçən gecələrə təsadüf edir.

Fətvada o da bildirilir ki, QMİ hər il olduğu kimi, bu il də xüsusi cədvəl və yaddaş kitabçası hazırlayıb. Müsəlmanlara oruc və namaz vaxtlarını Şamaxı Astrofizika rəsədxanası ilə birgə hazırlanmış, elmə əsaslanan, milli-mənəvi birliyimizə xidmət edən bu cədvələ müvafiq nizamlamaq tövsiyə olunur.

QMİ-nin təsdiqlədiyi cədvələ riayət olunmasının təmini qazılara, yerlərdəki səlahiyyətli nümayəndələrə, imamlara həvalə olunur.