“Azərreyl” gümüş, “İqtisadçı” isə bürünc medala sahib olub

Dünən qadın voleybol komandaları arasında Super Liqa yarışları “Dördlər finalı”nın sonuncu turunun oyunları keçirilib. Bakı İdman Sarayında əvvəlcə “İqtisadçı” klubu “Lokomotiv”i qəbul edib. Qarşılıqlı hücumlar şəraitində keçən oyun “İqtisadçı”nın 3:1 (20:25, 25:22, 26:24, 25:22) hesablı qələbəsi ilə başa çatıb.

Növbəti oyun “Rabitə” və “Azərreyl” komandaları arasında keçirilib. Səkkizinci turda çempionluğunu təmin etmiş “Rabitə” bu oyunda rəqibinə 3:2 (15:25, 21:25, 25:23, 25:22, 15:9) hesabı ilə qalib gəlib.

Turnir cədvəlində 16 xalla ilk pillədə qərarlaşan “Rabitə” Super Liqa yarışlarının qalibi olub. “Azərreyl” gümüş, “İqtisadçı” isə bürünc medala sahib olub.