Qəbələ şəhərinin şimal hissəsində, rayon mərkəzindən təxminən 15 kilometr kənarda Çuxur Qəbələ kəndi ərazisində qədim Qəbələnin qalıqları aşkar edilib. AMEA-nın Arxeologiya və Etnoqrafiya İnstitunun əməkdaşları tərəfindən 1 il əvvəl başlanan qazıntı işləri bu il yenidən davam etdirilib və arxeoloqlar antik Qəbələ şəhərinin ərazisini müəyyənləşdirməyə müvəffəq olub.
Arxeoloq İlyas Babayev bildirib ki, bu sahədə şəhər ərazisi 25 hektardan çox sahəni əhatə edir. Şəhərin antik hissəsi isə 50 hektardan ibarətdir.
Hazırda ərazidə 10-u Cənubi Koreyadan olmaqla 16 nəfərlik arxeoloji ekspedisiya qrupu işləyir. Koreyalı mütəxəssislərin sözlərinə görə, 1 il ərzində aparılan təhqiqatlar nəticəsində ərazinin və bütövlükdə Azərbaycanın qədim tarixi ilə bağlı unikal eksponatlar əldə edilib və bir neçə topoqrafik xəritə tərtib olunub.
Qeydiyyat
