Əsas yerləşdirmədən sonra ali məktəblərə boş qalmış 1293 yerin 1158-i özəl universitetlərin payına düşür

2010/2011-ci tədris ili üçün özəl ali təhsil ocaqlarına 4 561 plan yeri olduğu halda, 1 158 yerə qəbul həyata keçirilib. Bu isə o deməkdir ki, Azərbaycanda özəl ali təhsil ocaqlarının plan yerlərinə 4 dəfə az tələbə qəbul olunub.

Lent.az Tələbə Qəbulu üzrə Dövlət Komissiyasının məlumatlarına əsasən bildirir ki, ali təhsil müəssisələrinə boş qalan plan yerlərinin əksəriyyəti məhz özəl ali təhsil müəssisələrinə məxsusdur. Belə ki, əsas yerləşdirmədən sonra ali məktəblərə 1293 yer boş qalmışdı. Ümumi vakant yerlərin 1158-i özəl universitetlərin payına düşür.

Xatırladaq ki, 2010/2011-ci tədris ili üçün ali məktəblərə qəbul imtahanları iyulun 4-dən 23-dək 4 mərhələdə keçirilib. Ali məktəblərə qəbul olunmuş abituriyentlərin daxil olduqları təhsil müəssisələrində qeydiyyatı avqustun 20-si başa çatır.