Xaçmaz sakini 175 saylı məktəbin qarşısında keçinib

Bakıda ali məktəbə daxil olmaq üçün imtahan verən abituriyentin valideyni 175 saylı məktəbin qarşısında keçinib.

Bakı Təcili Tibbi Yardım Stansiyasından verilən məlumata görə, saat 09:00 radələrində Xaçmaz rayon sakini 43 yaşlı Məlahət Məmmədhüseyn qızı Ağahüseynova imtahana girən övladını bayırda gözləyərkən ürək çatışmazlığından vəfat edib. İmtahan keçirilən yerdə növbə çəkən həkimlərin müdaxiləsinə baxmayaraq, M.Ağahüseynovanın həyatını xilas etmək mümkün olmayıb.

Faktla bağlı Yasamal rayon Prokurorluğunda araşdırma aparılır.