Köçürməyə yol verən 28 nəfərin nəticələri ləğv olunub Tələbə Qəbulu üzrə Dövlət Komissiyası 2010-cu il avqustun 29-da cari tədris ili üçün ümumi orta təhsil bazasında (9 illik) orta ixtisas təhsili müəssisələrinə qəbul imtahanı keçirmişdir.
Cari tədris ili üçün 9 illik (ümumi) orta təhsil bazasında ayrılmış 9576 plan yerinə 30675 abituriyent sənəd vermişdi. Onlardan 30261 nəfəri imtahanda iştirak etmişdir.
Nəticələr avqustun 31-də saat 16:15-dən etibarən TQDK-nın rəsmi internet səhifəsində yerləşdirilmişdir.
Abituriyentlərdən 40 nəfəri imtahan qaydalarına zidd hərəkətlərə yol verdiklərinə görə, imtahandan xaric olunmuş və nəticələri ləğv olunmuşdur.
Cavab kartlarının emalı zamanı xüsusi kompyuter proqramları vasitəsilə aparılan araşdırmalar nəticəsində imtahanda 28 nəfərin köşürməyə yol verdikləri aşkar edilmiş, qəbul qaydalarına uyğun olaraq həmin abituriyentlərin nəticələri ləğv olunmuşdur.
Abituriyentərdən 8515 nəfəri orta ixtisas təıhsili müəssisələrinə qəbul olmuşlar.
Qəbul olanlar sentyabrın 2-dən 13-dək (şənbə və bazar günləri istisna olmaqla) sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər. Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilməsindən imtina etməsi kimi qiymətləndiriləcək və onun qəbul haqqında əmri orta ixtisas məktəbinə göndərilməyəcəkdir.