Bu barədə təhsil naziri Misir Mərdanov məlumat verib Təhsil naziri Misir Mərdanov Azərbaycan Beynəlxalq Universitetinə tələbə qəbulunun dayandırılmasının səbəblərini açıqlayıb.Onun sözlərinə görə, ötən il olduğu kimi, bu il də Azərbaycan Beynəlxalq Universitetinə tələbə qəbulu planlaşdırılmayıb.Artıq nazirlik həmin ali məktəbdə apardığı yoxlamaları da başa çatdırıbTəhsil naziri bildirib ki, universitetə tələbə qəbulunun artıq ikinci ildir ki, dayandırılmasına səbəb ali məktəbdə aşkar edilən qüsurlardır.
"Azərbaycan Beynəlxalq Universitetinə bu il də tələbə qəbulu planlaşdırılmayıb. Hazırda ABU-da ciddi yoxlamalar dayandırılıb. Çünki orada yoxlamaları artıq aparmışıq və nəticədə ora ikinci ildir ki, tələbə qəbulu vermirik", deyə nazir bildirib.
Moskva Universitetinin Bakı filialının bağlanmasına gəldikdə isə M.Mərdanov universitetdə qanuni təhsil alan tələbələrin ilin sonuna qədər təhsillərini davam etdirə biləcəklərini qeyd edib. Təhsil Nazirliyi tərəfindən fəaliyyəti dayandırılan Moskva Açıq Universitetinin Bakı filialı dərs ilinin sonuna qədər öz fəaliyyətini davam etdirəcək. Nazirlik isə yeni dərs ilinin başlanmasına qədər bu universitetdə qanuni təhsil alan tələbələrin taleyini həll edəcək.
Həmin universitetdə qanuni təhsil alan tələbələr başqa özəl ali məktəblərə köçürüləcək. Qeyri-qanunsuz təhsil alanların aqibəti isə nazirlikdən asılı olmayacaq və onlar problemlərini özləri həll edəcəklər
"Moskva Universitetilə bağlı əmr artıq mətbuatda dərc olunub. Dərs ilinin sonuna qədər tələbələr təhsillərini başa vuracaqlar. Yeni dərs ilinin başlanmasına qədər qanuni təhsil alan tələbələr müxtəlif universitetlərə köçürüləcək", deyə nazir bildirib.
Təhsil naziri məsələnin qanun çərçivəsində həll olunacağını vurğulayıb.