“Orta məktəblərdə mərkəzləşmiş sınaq imtahanlarının nəticələri keçən ildəkindən az fərqlənir. IX siniflər əvvəlki illərdə olduğu kimi daha yüksək, XI siniflər isə daha az nəticə göstəriblər”.

APA-nın məlumatına görə, bu açıqlamanı jurnalistlərə təhsil naziri Misir Mərdanov verib.

Nazir mərkəzləşmiş buraxılış imtahanlarından yüksək nəticə gözlədiyini də qeyd edib: “Bu il attestat alacaq şagirdlərin sayında ötən illə müqayisədə ciddi dəyişiklik olmayacaq. Bu fərq yalnız 2-3 faiz ola bilər”.