Ali məktəblərin magistratura pilləsinə sənəd qəbulu başa çatıb

Magistraturaya sənəd qəbulu başa çatıb. Magistratura imtahanlarında iştirak etmək üçün 15360 bakalavr ərizə verib. Tələbə Qəbulu üzrə Dövlət Komissiyasının (TQDK) mətbuat katibi Elnur Nağızadənin APA-ya verdiyi məlumata görə, onlardan 13562 nəfəri Azərbaycan, 1798 nəfəri isə rus bölməsi üzrə sənəd verib.

Qeyd edək ki, magistraturanın birinci mərhələsinə qəbul imtahanı mayın 2-də keçiriləcək. Bakalavrlar aprelin 29-dan etibarən imtahana buraxılış vərəqələrini elektron formada çap edə bilər. İkinci mərhələnin imtahanı isə iyunun 20-də olacaq.