“Magistr” xüsusi buraxılışının 3-cü sayı nəşr olunmuşdur

Tələbə Qəbulu üzrə Dövlət Komissiyası tərəfindən “Magistr” xüsusi buraxılışının 3-cü sayı nəşr edilmişdir. Jurnalda bütün ixtisaslaşmalar üzrə ali təhsil müəssisələrinin magistraturalarına qəbul proqramları təqdim olunur.

Proqramlar bakalavriat səviyyəsinin ixtisas sahələri üzrə qruplaşdırılaraq 4 kitabçada nəşr edilib:
1. «Texniki elmlər» (T), «Təbiət -texniki elmlər» (TT), "Aqrar və balıq təsərrüfatı" (AT) və "Ekologiya və təbiətdən istifadə" (ET);
2. «İqtisadiyyat və idarəetmə» (İİ) ;
3. «Maarif» (M) və «Təbiət elmləri» (TE) ;
4. «Humanitar və sosial elmlər» (HS)

Kitabçaların giriş hissəsində bakalavrlara magistratura səviyyəsində ixtisaslaşmaları necə seçmələri, uyğun proqramlardan necə istifadə etmələri, qəbul imtahanının ikinci mərhələsinə hansı proqram əsasında hazırlaşmalı olduqları barədə geniş izahat verilib. Sonrakı səhifələrdə “Magistratura səviyyəsi üzrə ixtisaslaşma seçimi cədvəli” və qəbul imtahanı proqramları dərc edilmişdir.

Magistraturaya qəbul aparılan ixtisaslaşmaların siyahısı, ixtisaslaşma seçimi haqqında elan və digər zəruri məlumatlar "Magistr" xüsusi buraxılışının növbəti sayında dərc olunacaq.

Xatırladaq ki, 2010/2011-ci tədris ili üçün ali təhsil müəssisələrinin magistraturalarına qəbul qaydaları, ümumi intellekt səviyyəsinin (məntiqi təfəkkürün) yoxlanılması, xarici dillər, riyaziyyat və informatika üzrə qəbul imtahanı proqramları “Magistr” xüsusi buraxılışının 2010-cu il 1-ci sayında, qəbul elanı, ümumi intellekt səviyyəsinin (məntiqi təfəkkürün) yoxlanılması, xarici dillər, riyaziyyat və informatika üzrə test tapşırığı nümunələri isə “Magistr” xüsusi buraxılışının 2-ci sayında dərc edilib.