Dünyanın ən böyük saatı Ramazan bayramı ərəfəsində açılacaq

Dünyanın ən böyük saatı müsəlman ölkəsində olacaq. Səudiyyə Ərəbistanının Məkkə şəhəri yaxınlığında saat qülləsi ucaldılacaq. İnşası davam edən "Abraj El Beyt qüllələri" adlı otel kompleksindəki qüllələrdən birinin başına yerləşdiriləcək saat Londondakı "Biq-Ben"dən 6 dəfə böyük olacaq. Məkkə "Kral saat qülləsi"nin 662 metrlik hissəsi betondan olacaq, onun təpəsində isə 155 m hilal (aypara) yerləşdiriləcək.

Saatın yer aldığı iki qüllənin ümumi hündürlüyü isə dünyanın ən yüksək binası olan "Bürc Dubay"dan 11 m qısa olacaq. Saatın Ramazan bayramından qabaq, avqust ayında işə salınması planlaşdırılır. Alman istehsalı olacaq saatın ölçüsü 45-43 metrdir. Saat 4 üzlü olacaq və hər üz qüllənin bir tərəfində yerləşdiriləcək. Onu gecələr 17, gündüzlər isə 12 km-dən aydın müşahidə etmək mümkün olacaq.