Başlıq » 2011 » May » 8 » Luvr muzeyində Azərbaycanın dəstəyi ilə İslam şöbəsi tikiləcək
Luvr muzeyində Azərbaycanın dəstəyi ilə İslam şöbəsi tikiləcək
10:41
Luvr muzeyinin direktoru: "Gələn il Luvrda İslam mədəniyyətinə ayrılmış xüsusi bir guşənin açılışı gözlənilir"
Mədəniyyət və turizm naziri Əbülfəs Qarayev Azərbaycanda səfərdə olan Luvr muzeyinin direktoru Anri Luaretlə görüşüb. Görüşdə Anri Luaret Azərbaycanın dəstəyi ilə Luvr muzeyində bir sıra işlər görüləcəyini bildirib: "Azərbaycan hökümətinin dəstəyi ilə Luvr muzeyində İslam mədəniyyəti şöbəsi tikiləcək. Gələn il Luvrda İslam mədəniyyətinə ayrılmış xüsusi bir güşənin açılışı gözlənilir. Deməliyəm ki, sizin prezidentiniz buna istər bədii, istərsə də siyasi maraq göstərir. Azərbaycan hökümətinə bizə dəstək göstərdiyinə görə təşəkkür edirəm".
Luvr muzeyinin direktoru Bakıda tikintisi başa çatmaqda olan Azərbaycan Xalçası və Xalq Tətbiqi Sənəti Dövlət Muzeyinin yeni binası ilə tanış olduğunu və əməkdaşlıq çərçivəsində Luvr muzeyi ilə Azərbaycanın xalçaçılıq muzeyləri arasında qurulan əlaqələrin davam etdiriləcəyini deyib: "Mən Azərbaycandakı köhnə xalçaların kolleksiyası ilə artıq tanış olmuşam. Deyim ki, çox heyran oldum və tikilən binanın da bizim əməkdaşlığımızda xüsusi önəm daşıyacağına ümid edirəm. Biz hazırda Luvrdan bir sıra eksponatlarının burada sərgilənməsi üçün danışıqlar aparırıq. Bundan başqa cənab nazirlə 2013-2014-ci illərdə Luvrdan gələcək xüsusi bir sərginin nümayişi məsələsini müzakirə etdik".