Bayram iştirakçılarına müxtəlif çeşidli süd məhsulları paylanılıb

Bu gün Lənkərandakı Mərkəzi Mədəniyyət və İstirahət Parkında respublikada ilk dəfə olaraq süd bayramı keçirilib. 21 mayın bütün dünyada Beynəlxalq süd günü kimi qeyd olunması ilə əlaqədar təşkil olunan bayramın təşəbbüsçüsü Lənkəran şəhər İcra Hakimiyyəti və rayonda fəaliyyət göstərən “Palsüd” şirkəti olub.

“PAL SÜD” MMC-nin şöbə müdiri Mais Rəhimov belə tədbirin əsas məqsədinin süd və süd məhsullarının insan sağlamlığındakı roluna diqqətə çatdırmaqda önəmli rol oynadığını vurğulayıb. “İntellekt” gənclər təşkilatının rəhbəri Samir Axundov isə belə sosialyönümlü tədbirlərin cəmiyyətin inkişafına öz töhfəsini də verdiyini bildirib.

Bayram iştirakçılarına süd zavodunun istehsal etdiyi onlarla çeşiddə süd məhsulları paylanılıb. Uşaqları ən çox cəlb edən isə istehsalına bir neçə ay öncə başlanan dondurmalar olub. 3 saatdan artıq davam edən bayram şənliyində rayonun incəsənət ustaları ilə yanaşı uşaqlar da maraqlı repertuarla çıxış ediblər.