Müqəddəs ziyarətgah gül və zəmzəm suyu ilə təmizlənəcək

Müsəlmanların müqəddəs ziyarətgahı olan Kəbə bu gün yuyulacaq. Kəbə evini Səudiyyə Ərəbistanının kralı Abdullahın adından şahzadə Xalid Əl Faysal yuyacaq.

Kəbə və Məscid-i Nəbəviyə cavabdeh olan Dr. Məhəmməd bin Nasil əl Huzayyamın verdiyi açıqlamaya görə, şahzadə Xalid əvvəlcə Kəbənin qapısını açacaq. Kəbənin
yuyulması mərasimi qılınan iki rükət namazla başlayacaq.

Daha sonra Kəbənin daxili divarları ağ parçalarla və gül suyu qarışdırılmış zəmzəmlə təmizlənəcək. Yerə isə gül suyu qarışdırılmış zəmzəm səpildikdən sonra sadəcə xurma yarpaqlarından istifadə olunmaqla süpürüləcək.

Kəbənin divarları və tavanı da ağ parçalarla qurulanacaq.

Qeyd edək ki, Kəbə Ramazan ayının başlanmasına az müddət qaldığı üçün yuyulacaq. Belə ki, müsəlmanların Məkkədə yerləşən müqəddəs ziyarətgahı olan Kəbəni ildə milyonlarla müsəlman ziyarət edir.