Əsas təhsil bazasından (IX sinif) buraxılış imtahanlarının nəticələri bu gün elan olunacaq.

Təhsil Nazirliyindən verilən məlumata görə, imtahan fənləri üzrə şagirdlərin şəhadətnaməsinə yazılacaq qiymətlər haqqında məlumatlar günün ikinci yarısında www.edu.gov.az internet saytında yerləşdiriləcək.

Nazirlikdə bildirirlər ki, imtahanın nəticələri ilə bağlı ərizə və şikayətlər şagirdin təhsil aldığı şəhər və rayon təhsil şöbələrində qəbul ediləcək. Bakı şəhərində təhsil almış şagirdlər Bakı Şəhəri üzrə Təhsil İdarəsinə, Gəncə şəhərində təhsil almış şagirdlər Gəncə Şəhər Təhsil İdarəsinə, Abşeron rayonunda təhsil almış şagirdlər Abşeron rayon Təhsil Şöbəsinə və s. müraciət edəcəklər.

XI siniflərdə olduğu kimi, əsas təhsil bazası üzrə də buraxılış imtahanı ilə bağlı apelyasiya şikayətlərinə iyunun 26-dək baxılacaq.