Qeyri-kafi qiymət alan, buraxılış imtahanına buraxılmamış şagirdlərin imtahanları üç bölgə üzrə keçiriləcək

Ümumi orta təhsil səviyyəsi üzrə buraxılış imtahanında bir və ya bir neçə fəndən qeyri-kafi qiymət almış, imtahan fənləri üzrə illik qeyri-kafi qiymət aldığı üçün buraxılış imtahanına buraxılmamış, həmçinin müəyyən səbəblərdən imtahanlarda iştirak etməmiş şagirdlərin payız buraxılış imtahanlarının vaxtı açıqlanıb. Təhsil Nazirliyinin rəsmi saytında yer alan məlumata görə, payız buraxılış imtahanları üç bölgə üzrə sentyabrın 2-də, 6-da və 8-də keçiriləcək.

Sentyabrın 2-də Şirvan şəhəri, Ağcabədi, Astara, Beyləqan, Bilə­su­var, Cəlil­abad, Hacıqabul, İmişli, Kürdəmir, Lənkəran, Masallı, Neft­ça­la, Salyan, Ucar, Sabir­abad, Saatlı, Zərdab, Quba, Qusar, Xaçmaz, Şabran, Siyəzən və Xızı ra­yonları;

Sentyabrın 6-da Gəncə, Mingəçevir və Naftalan şəhərləri, Ağstafa, Bər­də, Lerik, Yardımlı, Daşkə­sən, Gədəbəy, Ağdaş, Ağsu, Göyçay, Goranboy, Göygöl, Qazax, Sa­mux, Şəmkir, Tərtər, To­vuz, Yevlax, Şəki, Balakən, İsmayıllı, Oğuz, Qax, Qəbələ, Şa­maxı, Zaqatala və Qobustan rayonları;

Sentyabrın 8-də isə Bakı, Sumqayıt şəhərləri və Abşeron rayonunun şagirdləri payız imtahanı verəcək.