Ali və orta ixtisas məktəblərinə IV ixtisas qrupu üzrə qəbul imtahanlarında 574 nəfər abituriyent iştirak etməyib.

Tələbə Qəbulu üzrə Dövlət Komissiyasının mətbuat xidmətinin rəhbəri Elnur Nağızadə APA-ya bildirib ki, imtahanda iştirak üçün 15 348 nəfər ərizə təqdim etsə də, onlardan yalnız 14 774 nəfəri imtahanda iştirak edib.
TQDK rəsmisi qeyd edib ki, qatarın gecikməsi ilə əlaqədar Qazax, Ağstafa rayonlarından gələn abituriyentlərin imtahana gecikməsi ilə bağlı quruma heç bir şikayət daxil olmayıb. E. Nağızadənin sözlərinə görə, imtahan nəticələrinin bu gün axşam saatlarında açıqlanması nəzərdə tutulur.