I ixtisas qrupu üzrə ali və orta ixtisas məktəblərinə sənəd vermiş abituriyentlər üçün “İmtahana buraxılış vərəqəsi”ni verilməsinə başlanıb.

Tələbə Qəbulu üzrə Dövlət Komissiyasından Lent.az-a bildiriblər ki, “İmtahana buraxılış vərəqəsi” internet vasitəsilə verilir. Belə ki, abituriyent http://tqdk.gov.azsaytında müvafiq bölməyə daxil olmaqla bu sənədi çap edə bilər.

Xatırladaq ki, I ixtisas qrupu üzrə ali və orta ixtisas məktəblərinə qəbul imtahanları iyulun 11-də Bakı, Sumqayıt, Gəncə və Naxçıvanda keçiriləcək. Abituriyentlər imtahanda iştirak etmək üçün şəxsiyyətini təsdiq edən sənədin əslini və “İmtahana buraxılış vərəqəsi”ni də özləri ilə götürməlidir.