İlanlar qisas alır

Bu il ilanvurma halları çoxalıb. Paytaxtın 1 saylı xəstəxanasının toksikologiya şöbəsinin müdiri Azər Maqsudovun sözlərinə görə, aprel ayının sonlarından bu günə qədər 32 xəstə ilan sancaması ilə bağlı həkimə müraciət edib ki, bunların da əksəriyyəti Sabirabad-İmişli bölgəsindəndir. Həkim belə halların artmasını daşqınlar və havaların bir qədər erkən isinməsi ilə izah edib.

Həkim ilan sancmanın əlamətləri barədə məlumat verib. O, bildirib ki, ilan sancan yer əvvəllcə qızarır, sonra güclü ağrılar fonunda ürək döyüntülərinin sayı artır, baş gicəllənir, arteryal təzyiqin aşağı düşməsi də zəhərin qana sovrulduğu müddətdə baş verir. A.Maqsudov ilan sancma zamanı hər hansı türkəçarə üsullara əl atmağı məsləhət görmür. İnsanlar daha çox ilan sancdığı hissəni çərtirlər və ya sorurlar. Hətta yaraya qatıq da sürtürlər. "Bu üsullar isə yardımdan çox xəstənin vəziyyətinin daha da ağırlaşmasına gətririb çıxarır. ilk növbədə yara tənziflə bağlanmalıdır. Çalışmalıdırlar ki, az hərəkət etsinlər. Sonra mümkün qədər yaxın tibb məntəqəsinə müraciət etmək lazımdır. İlk növbədə zərdab vurlumalıdır".

Şöbə müdiri Azərbaycan ərazisində olan ilanlardan daha çox gürzələrin təhlükəli olduğunu bildirib. Belə ki, gürzələrin zəhərinə qarşı 6 saat müddətində mütləq tədbir görmək lazımdır. Yəqin bir çoxlarınız ilanların qisası barədə eşitmisiz. Yəni ilanın biri öldürülürsə, o biri qohumları mütləq onun qisasını alırlar. Bundan başqa ilan insanı bir neçə dəfə vurarsa orqanizmdə ilan zəhərinə qarşı müqavimət yanarır və bu zaman ilan insan üçün daha az təhlükəli olur.

"Bizə 16 yaşında bir qız gətirmişdilər. Onu 4 dəfə ilan vurmuşdu. Birinci dəfə həmin qız ilan vurmasını ağır keçirsə də, sonralar onun bədəninin müqaviməti nisbətən artmışdı. Araşdırdıq və məlum oldu ki, onlar həyətlərindəki qohum ilanlardan birini öldürüblər. İlanlar da bu yolla qisas alırlar".