Paralimpiya üzrə yığmamız Dünya Oyunlarında parlaq qələbələrini davam etdirir

Bəlli olduğu kimi, Türkiyənin Antalya şəhərində Dünya Oyunlarına start verilib. Azərbaycan Milli Paralimpiya Komitəsindən ANS PRESS-ə verilən məlumata görə, aprelin 4-də start götürən yarışda idmançılarımız aktivlərinə daha iki medal yazdırıb.

Rza Osmanov 200 metr qaçışda bürünc medala layiq görülüb. Cudo idman növü üzrə komanda yarışlarında idmançılarımız isə finalda Russiya komandasına qalib gələrək birinci yerə layiq görülüb.

Xatırladaq ki, Dünya Oyunlarının ilk günlərində cüdocümuz Afaq Sultanova qızıl medal almışdı. Atletikada isə uzunluğa tullanmada Oleq Panyutin qızıl, Vladimir Zayets isə gümüş medallar qazanmışdı.

Rza Osmanov 400 metr qaçışda 50.28 saniyə nəticə ilə bürünc medal qazanmışdı. Çəkisi 100 kq-dan artıq olan cüdoçuların mübarizəsində İlham Zəkiyev gümüş, Tofiq Məmmədov isə 90 kq çəki dərəcəsində qızıl medallara layiq görülmüşdülər.