Başlıq » 2010 » May » 23 » Heydər Əliyev Fondunun təşəbbüsü ilə daha bir məktəb tikilir
Heydər Əliyev Fondunun təşəbbüsü ilə daha bir məktəb tikilir
16:34
Heydər Əliyev Fondunun təşəbbüsü ilə Goranboyda daha bir məktəb binasının tikintisinə başlanılıb.
Goranboy şəhər 3 nömrəli orta məktəbi üçün inşa edilən binanın cari ilin sentyabrında istifadəyə verilməsi nəzərdə tutulub.
Rayon təhsil şöbəsindən verilən məlumata görə, bu, Azərbaycanda təhsilin inkişafına daim diqqət və qayğı göstərən Heydər Əliyev Fondunun təşəbbüsü ilə Goranboy rayonunda inşa edilən altıncı məktəb binasıdır. 420 şagird yerlik bu təhsil ocağı da əvvəlkilər kimi yüksək keyfiyyətlə və sürətlə tikilir.
Hazırda Təhsil Nazirliyi tərəfindən Goranboy rayonunun Rus Borisi kənd orta məktəbi, daxili imkanlar hesabına isə Azad kənd ibtidai məktəbi üçün yeni binalarda inşaat işləri uğurla aparılır. Yaxın vaxtlarda isə Tatarlı kənd orta məktəbi üçün yeni binanın tikintisinə başlanacaq.