Bu axşam Uruqvay və Hollandiya milliləri ilk finalçını müəyyənləşdirəcəklər

Bu gün futbol üzrə Dünya Çempionatında yarımfinal mərhələsi başlayır. Bakı vaxtı ilə saat 23.30-da Uruqvay və Hollandiya milliləri qarşılaşacaq. Oyunu Özbəkistandan olan hakimlər briqadası idarə edəcək. Hakim Rövşən İrmatova Rafael İlyasov və Bahadır Koçkarov yardım edəcək. Rövşən İrmatov CAR-Meksika, İngiltərə, Əlcəzair, Yunanıstan Argentna və ¼ finalda Argentina-Almaniya oyunlarını idarə edib.

Sabah isə eyni saatda Almaniya və İspaniya milliləri finala çıxmaq uğrunda mübarizə aparacaqlar. Bu oyun macar Viktor Kaşşainin başçılıq etdiyi hakimlər briqadasına tapşırılıb. Kaşşaiyə Qobor Eroş və Tibor Vamoş kömək edəcək.