Çempionlar Liqası finalında, M.Y. Barselonanın rəqibi oldu.

Çempionlar Liqası yarım final cavab matçında Mançester Yunayted ilə Şalke qarşı-qarşıya gəldi. İlk matçı rəqib meydanda 2-0 qazanan Mançester, Old Traffordda da rəqibini 4-1lik hesabla məğlub edərək finala yüksəldi.

Mançesterə qalibiyyəti gətirən qolları 26-cı dəqiqədə Antonio Valencia, 31-ci dəqiqədə Darron Gibson 72 və 76-cı dəqiqədə Anderson qeyd etdi. Şalkenin tək qolu isə 35-ci dəqiqədə Jose Juradodan gəldi.

İki matçı da qazanaraq finala yüksələn M.Y. 28 May tarixində İngiltərənin paytaxtı Londondakı Wembley Stadionunda Barselona ilə qarşı-qarşıya gələcək.

2009-un QİSASI

Barselona ilə Mançester Yunayted 2009-cu ildə Roma Olimpiada Stadionunda yenə Çempionlar Liqası finalında qarşı-qarşıya gəlmişlərdi. Barselona o matçda Samuel Eto'o və Lionel Messinin vurduğu qollarla Mançesteri 2-0 məğlub edərək kuboka yiyələnmişdi. 28 May tarixində oynanılacaq olan final matçı o oyunun bir növ qisası xüsusiyyətində olacaq.