Devid Bekhem “Forbes”in tərtib etdiyi siyahıda birincidir

“Forbes” jurnalı dünya futbolçularının gəlirlərini tərtib edib. Qazancına görə, ilk sırada ingilis futbolçu Devid Bekhem yer alır. Onun illik gəliri 40 milyon dollardır.

İkinci yerdə ildə 30 milyon gəliri ilə “Real”ın portuqaliyalı futbolçusu Kriştiano Ronaldu yer alır.
Ən çox qazanın futbolçuların siyahısında illik qazancı 25 milyon dollar olan braziliyalı Kaka üçüncü olub.

İlk onluqda qərarlaşmış futbolçuları nəzərinizə çatdırırıq:

Ronaldinyo (“Milan”) 25 milyon,
Tyeri Anri (“Barselona”) 24 milyon,
Lionel Messi (“Barselona”) 22 milyon,
Frenk Lempard (“Çelsi”) 17 milyon,
Con Terri (“Çelsi”) 16 milyon,
Zlatan İbrahimoviç (“Barselona”) 16 milyon,
Stiven Cerard (“Liverpul”) 15 milyon.