TQDK müvafiq araşdırmalar aparacaq

Son günlərdə intensiv yağan yağışlar nəticəsində sel və daşqınlara məruz qalan rayonlarda abituriyentlərin internetlə ərizə qəbulu prosesində, eləcə də Sənəd Qəbulu Komissiyalarının fəaliyyətində hər hansı çatışmazlıq müşahidə olunmayıb. Bu barədə açıqlamanı Tələbə Qəbulu üzrə Dövlət Komissiyası yayıb. Məlumata görə, TQDK son günlər ölkə ərazisində sel və daşqınlara məruz qalmış yaşayış məntəqələrindəki Sənəd Qəbulu Komissiyaları ilə müntəzəm əlaqə saxlayıb.

Qeyd edək ki, ali məktəblərə sənəd qəbulu prosesi mayın 31-dək davam edəcək. Bu müddətin bitməsinə bir həftə qalmış həmin bölgələrdə sənəd qəbulunun gedişi araşdırılacaq və ehtiyac olarsa, lazımi xüsusi tədbirlər həyata keçiriləcək.