İlin sonunadək vahid təhsil şəbəkəsinin əhatə dairəsi 40-dək şəhər və rayonu əhatə edəcək

Bəlli olduğu kimi, hazırda ölkə üzrə 500-dən çox təhsil müəssisəsi genişzolaqlı sürətli internet şəbəkəsinə qoşulub. İlin sonunadək şəbəkənin əhatə dairəsi 40-dək şəhər və rayonu əhatə edəcək və daha 500 məktəbin vahid təhsil şəbəkəsi vasitəsilə internetə çıxışı təmin olunacaq.

Qeyd edək ki, “Elektron məktəb” layihəsi çərçivəsində Bakı, Abşeron və Sumqayıtın 30 pilot məktəbi bu şəbəkəyə qoşulub. Həmin məktəblərdə qabaqcıl şəbəkə texnologiyası olan CİSCO sistemi tətbiq olunur.

Müəllim və laborantlar üçün informasiya-kommunikasiya texnologiyaları üzrə treninqlər də təşkil edilir. İndiyədək 800 laborant üçün treninqlər keçirilib.