“Dünya gözəli-2010” titulunu Meksikadan olan 22 yaşlı Himena Navarrete qazandı.O, Las-Veqasda keçirilən nüfuzlu müsabiqənin 59-cu qalibi olub.

ABŞ-ın Las-Veqas şəhərində keçirilən "Dünya Gözəli-2010" gözəllik yarışması dünən başa çatıb.Qalibin adı Bakı vaxtı ilə bu səhər saat 08.00-da açıqlanıb.Dünya gözəli tituluna 22 yaşlı Meksika gözəli Ximena Navarrete layiq görülüb. Himena Navarrete Kinematoqrafiya Akademiyasında illik təhsil üçün qrant, Nyu-Yorkda mənzil, zərgərlik məhsulları, eləcə də müxtəlif reklam aksiyalarında iştirak müqaviləsi əldə edib.

Birinci vitse-gözəl tacı isə Yamayka gözəli Yendi Fillipsə nəsib olub.

"Miss Uyğunluq" titulu isə Avstraliyadan olan Cessika Kempbellə qismət olub. O, həmçinin ikinci vitse-gözəl adına layiq görülüb. Üçüncü vitse-gözəl isə Ukrayna gözəli Anna Poslavskaya seçilib. "Miss Fotogeniklik" titulunu Tailand gözəli Fontip Vaçaratrakul qazanıb.

Dünya gözəllik yarışmasında 83 gözəl iştirak edib. Onlar milli geyim, gecə və çimərlik geyimləri kimi müxtəlif libaslarda səhnəyə çıxmaqla yanaşı, münsiflər heyətinin suallarına da cavab veriblər.