Bu il ilk dəfə olaraq Təhsil Nazirliyi IX və XI siniflər üçün bölgələr üzrə buraxılış imtahanlarını eyni gündə keçirməyi nəzərdə tutur.

Təhsil Nazirliyindən APA-ya verilən məlumata görə, günün birinci hissəsində IX, ikinci hissəsində isə IX siniflərin buraxılış imtahanları keçiriləcək. Nazirlikdən bildirilib ki, bu yenilik həm müəllimlər, həm də şagirdlər üçün sərfəli olacaq.

Qeyd edək ki, indiyədək IX və XI siniflər üçün buraxılış imtahanı ayrı-ayrı günlərdə keçirilib. Bu il IX və XI siniflər üçün buraxılış imtahanlarının keçirilməsinə iyunun 2-dən başlanacaq. İlk imtahanlar Aran rayonları, eləcə də Laçın və Cəbrayıl məktəbliləri üçün olacaq. Sonuncu buraxılış imtahanı iyunun 17-də Bakıda keçiriləcək.