Bu barədə Azərbaycan Milli Elmlər Akademiyasının birinci vitse-prezidenti Arif Həşimov məlumat verib

Doktoranturaya qəbul olmaq istəyənlər ilin sonunda yeni qaydalarla imtahan verəcək. Artıq Nazirlər Kabineti yeni qaydaları təsdiqləyib. Bu barədə Azərbaycan Milli Elmlər Akademiyasının birinci vitse-prezidenti Arif Həşimov bildirib.

Arif Həşimov yeni qaydaların elmin inkişafına xidmət edəcəyini qeyd edib. Onun sözlərinə görə, kadr potensialı, maddi texniki baza, ümumi məqalələrin çapı kimi şərtləri yerinə yetirən müəsissələrə doktorantura üçün yerlər veriləcək.

“Bu yaxınlarda "Təhsil Haqqında qanun" qəbul olunandan sonra doktoranturaya qəbul qaydaları Nazirlər Kabineti tərəfindən təsdiqlənib. İndi qəbul üzərində işlər aparılır. Qəbul ilin sonunda aparılacaq. Gənc kadrların hazırlanması elmi məktəblərin qorunmasına ehtiyac var. Lakin burada da problemlər çoxdur. Açıq demək lazımdır ki, gənclərin elmə gəlişi, elmə bağlanması üçün müəyyən işlər görülməlidir. Onların sosial müdafiəsi üçün addımlar atılmalıdır. Bunlar da yəqin ki, qanunda öz əksini tapmalıdır”, - deyə Arif Həşimov əlavə edib.