Əzəli rəqiblər bu dəfə Almaniyada üz-üzə gələcəklər

Bu gün Türkiyə futbolunun əzəli rəqibləri - “Qalatasaray” və “Fənərbaxça” klubları növbəti dəfə üz-üzə gələcəklər. Bu dəfəki qarşılaşma Spor Toto Dostluq Kuboku çərçivəsində baş tutacaq.

Oyun Almaniyanın Mönhenqladbaxın “Borussiya Park” stadionunda keçiriləcək. Bu matç əzəli rəqiblərin sayca 365-ci dueli olacaq. Buna qədərki 138 oyunda “Fənərbaxça”, 116 matçda isə “Qalatasaray” sevinən tərəf olub. “Fənərbaxça”nın vurduğu 511 qola “Qalatasaray” 463 dəfə cavab verə bilib.

Xatırladaq ki, “Fənərbaxça” – “Qalatasaray” matçı Bakı vaxtı ilə saat 23:00-da start götürəcək və Futbol Smartla yayımlanacaq.