Bu gün Futbol üzrə Dünya Çempionatında C və D qruplarında üçüncü turun oyunları keçiriləcək.

C qrupunda Sloveniya və İngiltərə, ABŞ və Əlcəzair milliləri qarşılaşacaq. Qarşılaşmalar Bakı vaxtı ilə saat 19.00-da başlayacaq. Qrupda dörd xalla Sloveniya millisi liderdir. ABŞ və İngiltərə yığmalarının iki xalı var. Əlcəzair millisi isə bir xalla qrup sonuncusudur.

D qrupunda Avstraliya-Serbiya, Qana-Almaniya qarşılaşmaları keçiriləcək. Oyunlar Bakı vaxtı ilə saat 23.30-da başlayacaq. Bu qrupda da gərgin mübarizə gözlənilir. Çünki komandalar arasındakı xal fərqi çox azdır. Qana millisinin dörd, Almaniya və Serbiya yığmalarının üç, Avstraliya millisinin isə bir xalı var.