Başlıq » 2010 » Avqust » 19 » Bakıda 2 orta məktəb üçün əlavə korpus tikilib, 17-si əsaslı təmir edilib
Bakıda 2 orta məktəb üçün əlavə korpus tikilib, 17-si əsaslı təmir edilib
11:10
Yeni dərs ili ərəfəsində Bakı şəhəri üzrə Təhsil İdarəsinin (BŞTİ) tabeliyində olan 2 ümumtəhsil məktəbində dövlət büdcəsindən Təhsil Nazirliyinə ayrılan vəsait hesabına əlavə korpus tikilib.
BŞTİ-nin İctimaiyyətlə əlaqələr sektorunun müdiri Zəminə Əliqızı APA-ya bildirib ki, 14 məktəbdə, 8 məktəbəqədər təhsil müəssisəsində əsaslı, 12 məktəbdə, 10 məktəbəqədər təhsil müəssisəsində cari təmir işləri görülüb. Bakının 13 məktəbinin və 10 bağçasının istilik sistemi bərpa edilib. Bundan əlavə, Heydər Əliyev Fondunun xətti ilə 3 məktəbdə əsaslı təmir işləri həyata keçirilib.
Z. Əliqızı deyib ki, qalan bütün məktəblərdə cari təmir işləri aparılıb. Onun sözlərinə görə, artıq BŞTİ-nin “Qaynar xətt”i də (441 06 99) fəaliyyətini bərpa edib. Bu xidmətə müraciət edənlər Bakının təhsil sistemi ilə bağlı şikayətlərini və suallarını deyə bilərlər.