Bakı metrosunda bədbəxt hadisə baş verib.

Bu barədə APA-ya Klinik Tibbi Mərkəzdən bildirilib. Hadisə bu gün axşam saatlarında Bakı Metropoliteninin “Qara Qarayev” metro stansiyasında qeydə alınıb. 20 yaşlı Ağamalik Eldar oğlu Abbaszadə ehtiyatsızlıqdan qatarın altına yıxılıb. Nəticədə o, müxtəlif bədən xəsarətləri alıb. Yaralı dərhal xəstəxanaya aparılıb. Onun vəziyyəti ağır qiymətləndirilir.