Abituriyentlər mayın 31-dək qeydiyyatdan keçməlidirlər

Bakı İslam Universitetinə (BİU) 2010/2011-ci tədris ili üçün “Dinşünaslıq” ixtisası üzrə tələbə qəbulu elan edilib. Tələbə Qəbulu üzrə Dövlət Komissiyasından verilən məlumata görə, müsabiqədə iştirak etmək istəyən abituriyentlər ali təhsil müəssisələrinin qəbul imtahanında iştirak etmək üçün doldurduqları “Elektron ərizə”ni təsdiq etdirdikdən sonra mayın 31-dək BİU-da təşkil edilmiş sənəd qəbulu Komissiyasında qeydiyyatdan keçməlidirlər.

Qeydiyyatdan keçmək üçün aşağıdakı sənədlər tələb olunur:

- şəxsiyyəti təsdiq edən sənədin əsli
- sağlamlıq haqqında arayış
- 4 ədəd 3x4 ölçüdə fotoşəkil
- təsdiq olunmuş elektron ərizənin surəti

Sənədlər Təzə Pir Məscidinin yanında qəbul olunur.