ANS daşqınlardan əziyyət çəkmiş insanlara yardım məqsədi ilə xeyriyyə çağırışı edib

ANS Şirkətlər Qrupu Azərbaycanda sel və daşqınlardan əziyyət çəkmiş insanlara yardım məqsədi ilə “Azərbaycanlı olaq, Azərbaycanla olaq” adlı xeyriyyə çağırışı ilə çıxış edib. ANS-in əməkdaşlarının gətirdiyi müxtəlif geyim əşyaları, məşiət avadanlıqları, çadırlar, eləcə də “Dadlılar” şirkətinin istehsalı olan qida məhsulları ilə yüklənmiş maşınlar təbii fəlakət zonasına göndəriləcək. Bundan başqa, ANS-çilər bu ay əmək haqlarının bir qismini yardım məqsədi ilə yaradılmış xüsusi fonda köçürməyi qərara alıb.

ANS Şirkətlər Qrupunun prezidenti Vahid Mustafayev baş vermiş təbi fəlakətin hamını sarsıtdığını bildirib: “Bu Allahın işidir. Amma dövlət orqanları prezidentin tapşırığı ilə lazım olan işləri görüblər, insanları təhlükəsiz yerə köçürüblər. Eyni zamanda biz də Azərbaycan vətəndaşı olaraq öz dəstəyimizi əsirgəməmək istəyirik. ANS-in əmkdaşları imkanları daxilində belə aksiyaya başlayıblar. Onlar evlərindən zərərçəkənlər üçün əşyalar, ərzaq məhsulları toplayıblar”.

Qeyd edək ki, ANS-in keçirdiyi aksiyaya sadə vətəndaşlar da qoşula bilər. Bunun üçün ANS-ə gəlmək lazım deyil. Öz yardımlarınızı Sabirabad rayonuna, eləcə də Şirvan şəhərinə göndərin. Bundan başqa, zərərçəkmişlərə yardım məqsədilə bankda xüsusi hesab açılıb. İmkanı olanlar aşağıdakı hesaba istədikləri məbləğdə pul köçürə bilər.

Bank Respublika ASC, VÖEN 9900001901
Hesab: 4509.944.002.127787.01
Mh0137010014944 AMB

MEİ-də
Kod-505668
Swift BIK BRESAZ 22