Texnikumlara sənəd qəbulu başlayır

İyunun 29-da 9 illik təhsil bazasından orta ixtisas məktəblərinə qəbul qaydaları “Abituriyent” jurnalında dərc ediləcək.

Tələbə Qəbulu üzrə Dövlət Komissiyasının (TQDK) sədri Məleykə Abbaszadə bu gün keçirdiyi mətbuat konfransında belə deyib.İyulun 8-dən 9 illik təhsil bazasından orta ixtisas məktəblərinə sənəd qəbulu başlayır. Onun sözlərinə görə, sənəd qəbulu iyulun 8-dən avqustun 10-dək aparılacaq.

TQDK sədri bildirib ki, qəbul planı artıq Nazirlər Kabineti tərəfindən onlara təqdim edilib. Abituriyentlərin sənəd qəbulu İnternet vasitəsilə aparılacaq.